'ne gleene Welt fier sich alleene
is unser Gärtchen, gloomses nur.
Da drinne schbrießt's un blieht's so scheene!

Mir hamm ähmd Sinn fier die Naddur.

 

Ä wahrer Schtaat isses Gemiese,

das gägg aus unsern Beeten gwillt,

un jedesmal, wenn ich's begieße,

da guckt's mich an so dankerfillt.

De Bliemchen frein sich ooch nich minder
un leichten noch ämal so bunt.

Das w ärd mal was fier unsre Ginder ...

(Vorleifich hammer bloß ä Hund.)