Schniersenkel sin heimdicksche Brieder.
Das merkt e jeder immer wieder.

Denn hat mersch frieh besondersch eilich,
dann blatzense. Das is abscheilich.

Nu gnibbelt mr de beeden Enden

zusamm mit ganz nerweesen Händen.

Oft hat mr schon drotz aller Hast

drbei de Straßenbahn verbaßt.

 

Doch gann mr sich drgeechen risten

un schlau de Ludersch iwerlisten:
Mr brieft se ahmds. De gleene Miehe

erspart een's Biebseln in dr Friehe.