Se nenn' uns egal Gaffeesachsen,
Mir awer wissens ganz genau,
Wie sähr uns alln ans Härz gewachsen

Geradeso ä Dobb Gaggau.

Der schmäckt so scheen wie Schoggelade,

Mit Millich un mit Mähl gegocht.
Un nährn dut där! Gar manche Wade
Hatr zu runden schon vermocht.

 

Mr ditscht sei Härnchen nein mit Budder

(Meinswäächen ganns ooch Zwiebagg sin)

Un fiehlt: das is ä Gädderfudder!
Gee Griemchen bleibt im Debbchen drin.