Ich weeßes nich, was is das bloß
jetz egal mitn Wetter?
Da is doch ärchendäwas los,

denn frieher warsch viel netter.

Als ich ä gleenes Mädchen war,

ging alles noch hibsch richtich:
im Sommer schmorte mer bald gar,

im Winter fror mer dichtich.

Da hammersch niemals neetch gehabbt,

im Juni noch zu heizen,
weil beese Gälte nach uns schnabbt,

zum Schnubben uns zu reizen.

Un ähmso isses nie bassiert,

daß Friehlingsliftchen milde

noch im November unscheniert

durchseisein 's Gefilde.

Ja, 's herrscht ähm geene Ordnung mähr

drotz unsern vieln Galändern.
Mer schittelt 's Gebbchen hin und här ...

Doch gannmersch ädwa ändern?