Zähn Mark gewann' beim Glickslosmann!

Jetz gurbeln mir de Wärtschaft an.

Mer fiehlt sich doch gleich wie ä Färscht.

Was goofmer denn zu allerärscht?

Dr Babba muß Bandoffeln hamm.
Viel Zinken fähln in Oma's Gamm.

Mei rechter Handschuh, oft geschtobbt,

hat mich nu endlich ausgefobbt.

 

Schtrumbhalterband braucht Trudchen sähr,

dr alte Gummi zieht nich mähr.

Ooch Gurdi gwält mich lange schon
um Bausbabier. Gemacht, mei Sohn!

 

Nadierlich gricht heit ahmd ämal

zur Bemme jeder ä Sehtick Aal.

Un sollte's Geld nich alle wärn,

dann laßmer noch dn Ofen gährn!

Leibzcher Lindenblieten, 1935