Mr hamm 'ne alte Gaffeedasse,

die war in ihrer Jugend Glasse.

Doch das is freilich lange här.

Jetz hatse ooch geen Henkel mähr.

 

Die fiel da neilich ausn Schranke.

Nu isse futsch, war mei Gedanke.
Denn se war wärklich mit Gewalt

uff änne Fliese hingegnallt.

 

Im Geiste sah ich schon de Schärbeln

vergniecht durch meine Giche wärbeln.

Doch das war Deischung offenbar.
De Dasse schtand, so wiese war!

Mir gam's bald vor, als wennse lachte,

weil ich was Falsches von'r dachte.

Druff hab ich mich geriehrt gebickt

un habbse an mei Härz gedrickt.